كلمات : القلب الطري
احاول اتعايش بالاوضاع واعيش
لكنها العيشه معاااها صعيبه
تجددت جدت واصبح لها ريش
واضحيت فيها لابس كل عيبه
فيها وفيها فيها طيش و تطفيش
وفيهاالمصاعب تحملك فوق ريبه
مهما تحاول تجتهد فيها تطنيش
الا انها غصبا و غصبا تعيبه
تدنسك تدنيس من ليش او ليش
وتعيبك بالعيب فوقه مصيبه
عانيت فيها كنت فيها مع جيش
كل يوم هدة وحرب ادفع ضريبه
حتى تردى الحال اصبحت تهميش
اصبحت مثل الصفر من غير هيبه
حسبي عليها الرب ينحشها تنحيش
يفكني منها بعلمه و غيبه
يكبح جماح الشر ينهيها و تهيش
وتصبح خبر كان نهااايه عجيبه
القلب الطري
الملتقى العربي للأدباء 