بقلم: حسن القحل
…………….
من عاش في راحة ونعمة وسعة بال
ماهو مثل من عاش همٍ وغربال
والجود ما هو جود كفٍ ملية
الجود والله جود كفٍ خلية
والناس في الدنيا معادن واجناس
وكلٍ وله طبعٍ وخُلقٍ ومقياس
به يعرف النشمي وبه يعرف الجيد
وبه يعرف الهافي ونذلٍ وعربيد
والكذب ديدن للنفوس الرديه
والصدق مقياس الرجال الوفيه
واخوك في الشده ذراك وعضيدك
هو جنبك وزندك وكفك وإيدك
والصاحب إللي يخذلك حزة الضيق
لا تصحبه لو عاد لك بالمواثيق
وإختار لك صاحب وفي بكل الأحوال
لا مال دهرك تلقى كفوٍ ورجال
هذي وصايا قلتها بشكل عاجل
لأهل الوفا والطيب وأهل الشمايل
وختامها صلوا على خير هادي
الشافع إبيوم الحشر التنادي
محمد المختار من نسل عدنان
رسول رب الخلق للإنس والجان
…………
بقلمي
حسن القحل
١٢/محرم /١٤٤٥
الملتقى العربي للأدباء 
يجب عليك تسجيل الدخول لكتابة تعليق.