هذا وذاك

شعور ✍️ عبده محمد القاضي ابونبيل

………….

يسعد صباح اللي من الليل ما نام
يهوى السهر والحب بالقلب هاريه

ويسعد صباح اللي من النوم ماقام
الناس تصحى وزايد النوم يرديه

هذا وذاك حالهم حال من صام
ضيع فروضه وقال محدٍ يصحيه

ويسعد صباح اللي ليا فز ضرغام
ينام وقت النوم ياخذ ويعطيه

في طاعة الله ماتاخر ولا هام
ينام نوم الذيب وشغله مبديه

تلقاه مثل الصقر في الجو حوام
يطلب من الله يرزقه ودوم يعطيه

ولا الردي يبقى ردي طول الايام
عايش بها الدنيا ولاشي بيديه

ضاعت علومه ونوب للخد لطام
والهم في قلبه على طول يكويه

هذا ومثله ضايعٍ بين الاحلام
الله يعين اللي تحمل بلاويه

الحمد لله عزنا بدين الاسلام
وباالأمن بالاوطان والخير يسديه

✍️ عبده محمد القاضي ابونبيل