شعر ✍️ عبده محمد القاضي ابونبيل
………….
ودي معك دايم وبالحب ارويك
واهنا بشوفك يوم تجلس قبالي
ياليت والله لكن الحظ ملويك
لي الرشا ياصاحبي في المحالي
ودي بفنجالك .. وجرة غناويك
لكن بعد الدرب صاير محالي
ديارك بعيده لكن القلب ناويك
الله يسهلها في اقرب مجالي
قلب المعنى لو بعيده هقاويك
لو تبتعد عنه .. يصيبه خبالي
دام الامل باقي انا في حراويك
لو طالت المده وقصرت حبالي
ابشر بعزٍ يا ادعج العين يرويك
ياصل لدارك .. سهلها والجبالي
دامك حلا وزود طبعك محلويك
تبقى الغلا كله .. على كل غالي
مادامني حبيت وعارف عناويك
الصبر طيب دامت القلب سالي
يا ليتني ياصاح .. دايم اقهويك
من دلةٍ فنجالها .. دوم حالي
✍️ عبده محمد القاضي ابونبيل
الملتقى العربي للأدباء 
يجب عليك تسجيل الدخول لكتابة تعليق.