…. يمه……..

بقلم البرنسيسة :
أميرة العسيف أم الأمر

يمه …. يا يمه …. يا يمه ….

يمه … ياسر كل وجودي وفرحتي ♡
جيت أبكتب خاني دمعي ونزل ما أعرف شقول ؟
أوصف الوحدة بدونك
أو أوصف حسرتي …
ما خطر في بالي إنك عني يوم ابتبعدي …
صعب يا يمه الوصف
ما قدرت أوصف ولا ربع الشعور
كنتي لي أقرب من عيوني لهذبها i
وأنتِ لي أقرب من حبل الوريد

آآآآآآه … .. يايمه …
أشعر بكفي يصيح
والقلم يبكي حزين
والحبر على الصفحة مثل سيلة دمي …
جنتي ..
وكل السعاده …
ويالي بحضانك ربيت …
كل تفاصيلك أذكرها من الولاده لساعتي …
كم وكم ؟
كابدتي يا قلبي على شأني الهوان …
والألام الي تحملتيها ساعة مولدي …
من أشوفك يمه قلبي ينشرح وأرجع صغير 😔😔
لسه طفل بداخلي مو راضي يكبر ..
يحلم بلمسة يدك
ويحلم ينام أعلى صدرك وتمسحي بيدك الشعري مع جبيني ومفرقي ….
منه مثلك في سما كوني يكون ؟
لو ألف الكون ما لاقي مثيل
أمي يا أم قلب الحنون …
أنتي الحياه ..
انتي الأمل ..
انتي الوجود ..
أمي كل بسمة جميلة عانقتها شفتي …
أمي وردة الي عطرها منتشر في دنيتي ..
أمي من زودة غلاتي ..
دايم تسولف علي ..
تحكي لما كنت صغيره ولما كبرت وترعرعت ..
تحكي عن أحلامي وشؤؤني .. وتحكي عن مدرستي ..
وويش أحب
وأيش أكره
وكيف أجنن أخوتي ..
أنا شمعة في سماها وهي شمس أبعالمي ..
انا عندها بكوم وحدي … والبقيه بكوم ثاني
ساعة أتسميني دانه
وللقمر أم تجي …
تنده عليا أم الأمر …وأنا أطير من الفرح ..
والأمينه تنادي فيني ..
والي يزيدني فرح ☺️

خوفي عليها يزيد من كثر خوفتها علي ..
أكثر الناس الي تتعب
قبل التعب يوصل الي ..
أمي رحمة ونور كلها
من راسها لحد القدم
ربي كيف أقدر أجازي الي عطتني هالعمر ؟ !!
لو علقت العشره شمع ما أوفيك الجزاء …
….. يمه …. أنتي العين والنور المضيء …
أنتي لي كنزي الثمين
أولى وأخرتي
وكيف اوفي اميمتي …
وكيف اجازي اميمتي …

بقلم البرنسيسة :
أميرة العسيف أم الأمر 🌙

◇◇◇◇◇◇◇◇◇◇◇◇◇◇